2020年6月27日 星期六

【場料】高要求之選 Cowon旗艦級播放器 Plenue L 平五千

土地問題喺香港地確實令不少人煩惱,就算想買多件心頭好都要左諗右諗,所以個人影音產品愈來愈受重視,手提機都一樣可以好高質素,其中 DAP 就係最佳例子,所以兩萬幾蚊一部 DAP 一樣有捧場客,而今個星期就有兩款 Cowon 高階 DAP 做緊減價,係時候執筍貨。

有時為咗將自己最喜歡、最靚聲的音樂伴隨身邊,好多用家都唔介意俾多啲錢買個靚聲耳筒或 DAP ,而韓國 Cowon 亦是不少高要求用家追捧的 DAP 廠牌,賣過萬元的旗艦級播放器 Plenue L ,規格也確實出眾,內置 ES9038PRO 解碼芯片, 8 通道 4 核心的 DAC ,並附設 4.4mm 平衡輸出設計。此外,超低噪聲 LDO 功率、高性能 SNR 128dB ,平衡輸出功率高達 4.05Vrms ,更支援原生 DSD256 ,內置 256GB 內存,最重要是配備 AI Audio 智能功能,令 Plenue L 的內涵充滿魅力。
Plenue L 規格出眾,內置 ES9038PRO 解碼芯片, 8 通道 4 核心的 DAC。

配備 AI Audio 智能功能,令 Plenue L 的內涵充滿魅力。

另外,機身採用高光澤及高強度的混合金屬,設計靈感來源取自古典銅管樂器。 Cowon Plenue L 原價 $15,888 ,代理減價益用家只售 $10,888 ,足足平咗成五千銀。同期仲有一款 Cowon PLENUE 2 MKII 一樣有靚價, PLENUE 2 MKII 設計承襲 P2 ,但內存容量增至 256GB ,並可擴展至 256GB microSD 卡,播放時間提升至約 10 小時,並配置 3.5mm 單端及 2.5mm 平衡輸出端子,輸出電平由 2Vrms 提高至 3.24Vrms ,足以應付不同的耳機,原價 $8,888 ,減價後 $6,888 都平兩千銀,數量有限,售完即止。

查詢:DigiBrave HK ( 2595 2800 )

新聞來源:PCM